蓮麻坑

蓮麻坑---新界東北邊境禁區

蓮麻坑--香港新界邊境禁區,係一條村,叫蓮麻坑村,亦村附近一帶嘅代表.蓮麻坑地方行政上歸北區,介乎沙頭角同打鼓嶺之間.因為係禁區嘅關係,少人入村,自然風貌重保存得唔錯.蓮麻坑得條叫蓮麻坑路出村.北便好近深圳河,過咗河就係深圳.蓮麻坑舊時鉛礦,因為寶安土話叫鉛礦石做「蓮」,所以叫蓮麻坑.山上便廢礦有個蝙蝠洞,係香港重要蝙蝠棲息地之一,所以香港政府列佢做具特殊科學價值地點（SSSI）.蓮麻坑村家下住唔過百人.不過喺全盛時期,呢度住過千名村民.村民絕大部份姓葉,係祖籍廣東陸豐客家人,亦都少數姓劉,官同冼.

        

           

蓮 麻坑--礦山有鉛、鋅、黃鐵礦、黃銅礦等.1930年代末,英國人響蓮麻坑礦山採鉛礦.二次世界大戰期間,日本佔領香港,喺1942年起繼續採礦,用來應 付太平洋戰爭.1943年夏天,三個蓮麻坑後生仔,葉維里,葉盤嬌同葉煌青,想炸礦山,等日本無用.不過佢哋爆破失敗,畀新界沙頭角嘅日本憲兵捉咗,打咗 一身,畀人折磨,最後放咗.葉維里後尾入咗廣東人民抗日游擊隊,重同沙頭角民兵常備隊攻打蓮麻坑礦山,不過日軍猛烈抵抗,礦山攻唔落.1944年底,當時 任東江縱隊偵察員嘅葉維里,再打礦山,呢次行動有200游擊隊員同埋100民工配合,蓮麻坑礦山終於炸爛咗.家下蓮麻坑礦山上便,重有好多個通風井,不過 雜草叢生,井口難察.所以封咗通風井一帶,以免有人墮井.

       

          

    

走出洞外,便是山腰,往下俯望,便是深圳範圍,在新界眾多大小鄉村裡,蓮麻坑村是其中一處保存得很完整的客家村莊,因此使青翠綠草樹木得以保留，生態價值亦相對提高.由於近年偷渡問題受控,政府計劃於2010年開放邊境禁區,蓮麻坑村也將受惠,村民出入毋須再持禁區紙.
交通--蓮麻坑村得條去上水嘅59K專線小巴線,約莫一個鐘一班.由上水站附近出發,經文錦渡同新屋嶺. 由於蓮麻坑位於打鼓嶺禁區內,因此需要向申請禁區紙才能獲准入內,甚為不便,政府計劃於2010年才將禁區解除,屆時前往遊覽便簡單得多.(注意：未經許可,一般人士不得進入蓮麻坑.)

YSWong

2009年3月17日